DIL PE LIKHNA CHAHTI HOON PANNO PE LIKHTI JAATI HOON…..

Chalte-Chalte

Raah bhool jaati hoon..

Gun-Gunane ki chah mein

Besura gaa jati hoon…

Karna chahti hoon acha

Kuch galat kar jaati hoon…

Bhid mein baithe huye

Khud ki pehchaan bhool jaati hoon..

Kehna chahti hoon kuch

Kuch badd-badda jaati hoon…

Bevajah bad-baddate huye

Sach kuch bol jaati hoon..

Kabhi kisiko hasaane ki chaah mein

Rula kisiko aati hoon..

Accha karte-karte

Kuch galat kar jaati hoon..

Jeena chahti hoon kisi ki tarah

Khud ki pehchaan bhool jaati hoon..

Uchi chalaang ki aas mein

Khud hi phisal jaati hoon..

Kisi ki dekha dekhi

Kisiki chaal apnaati hoon..

Kisi ke sur pakadte huye

Apni taal bhool jaati hoon..

Khud ke vajood ki talaash mein

Khaali haath ghar aati hoon..

Har subah kuch naye karne ki aas mein

Purani cheejh dohra jaati hoon..

Kisiko apnane ki chaah mein

Purani mein kahi kho jaati hoon..

Sach ki khoj mein

Jhooth har jagah paati hoon..

Likhna chahti hoon panno par

Kagaz par likhti jaati hoon..